ரிம்ஸா முஹம்மத் நூல் வெளியீடுகள்: இலக்கிய நிகழ்வுகளின் புகைப்படங்கள் 02

'தென்றலின் வேகம்' புத்தகம் கிடைக்குமிடங்கள்

கவிஞர் வெலிகம ரிம்ஸா முஹம்மத்

தென் மாகாணம், மாத்தறை மாவட்டம், வெலிகம தேர்தல் தொகுதியைச் சேர்ந்த படைப்பாளி வெலிகம ரிம்ஸா, முஹம்மத் - லரீபா தம்பதியினரின் சிரேஷ்ட புதல்வியாவார். கணக்கீட்டுத் துறையில் MAAT, MIAB ஆகிய பட்டங்களைப் பெற்றுள்ள இவர், தனியார் கம்பனியில் உதவிக் கணக்காளராக கடமையாற்றி வருகிறார்.

2013 இல் கொழும்பு பல்கலைக்கழகத்தில் இதழியல் டிப்ளோமா கற்கை நெறியை பூரணப்படுத்தியுள்ள இவர் வெலிகம கவிக்குயில், வெலிகம நிலாக்குயில், ஆர்.எம்., கவித்தென்றல் ஆகிய புனைப் பெயர்களிலும் எழுதி வருவதுண்டு.

2004 இல் தினமுரசு பத்திரிகையில் ''நிர்மூலம்'' என்ற கவிதையை எழுதியதையடுத்து இதுவரை சுமார் 300க்கும் மேற்பட்ட கவிதைகளையும், 100க்கு மேற்பட்ட நூல் விமர்சனங்களையும், 20க்கு மேற்பட்ட சிறுகதைகளையும், தொலைக்காட்சி அலைவரிசைகளுக்காக மெல்லிசைப் பாடல்களையும் எழுதியுள்ள இவர், சிறுவர் இலக்கியத் துறையிலும் ஈடுபாடு காட்டி வருகின்றார்.

1998 - 1999 ஆம் ஆண்டுகளில் சூரியன் எப்.எம், சக்தி எப்.எம், இலங்கை வானொலி முஸ்லிம் சேவை மற்றும் நேத்ரா அலைவரிசையில் கவிதை கூறியிருக்கிறார். மேலும் நேத்ரா (2010.01.20), டேன் (2011.03.23) ஆகிய தொலைக்காட்சிகளிலும், ஊவா சமூக வானொலியில் நெஞ்சம் மறப்பதில்லை நிகழ்ச்சியிலும் (2014.02.28) இவரது விசேட நேர்காணல்கள் இடம்பெற்றிருக்கின்றமையும் குறிப்பிடத்தகது.

இவர் அகில இலங்கை ரீதியாக மூதூர் கலை இலக்கிய ஒன்றியத்தினால் 2008 ஆம் ஆண்டு நடைபெற்ற கவிதைப் போட்டியில் இரண்டாம் இடத்தை பெற்றிருக்கின்றார். சுமார் ஒன்றரை வருட காலங்களாக (2004 - 2005) இலங்கை வானொலி முஸ்லிம் சேவை மாதர் மஜ்லிஸ் நிகழ்ச்சியில் பிரதிகள் தயாரித்தும் நேரடியாக குரல் கொடுத்துமுள்ளார்.

கணக்கீட்டுத் துறையில் வங்கிக் கணக்கிணக்கக் கூற்று, கணக்கீட்டுச் சுருக்கம், கணக்கீட்டின் தெளிவு ஆகிய 03 நூல்களை வெளியிட்டிருக்கும் இவர், தென்றலின் வேகம் என்ற கவிதைத் தொகுப்பையும், ஆடம்பரக்கூடு, என்ன கொடுப்போம்?, பாடல் கேட்ட குமார், இதுதான் சரியான வழி ஆகிய சிறுவர் கதை நூல்களையும், வண்ணாத்திப் பூச்சி என்ற சிறுவர் பாடல் நூலையும் ஆக மொத்தம் 10 நூல்களை வெளியிட்டிருக்கிறார்.

2004ம் ஆண்டு ஜூலை 04 ஆம் திகதி செந்தூரத்தில் முதன்முதலாக இவரது அறிமுகம் இடம்பெற்றது. அத்துடன் இணைத்து 2007 பெப்ரவரியில் கலாபூஷணம் புன்னியாமீன் அவர்கள் வெளியிட்ட இலங்கை எழுத்தாளர்கள், ஊடகவியலாளர்கள் கலைஞர்களின் விபரத்திரட்டு தொகுதி 07 ல் 175 ஆவது நபராக இவரைப்பற்றிய விபரங்கள் உள்ளடக்கப்பட்டுள்ளன.

மேலும் 2007ம் ஆண்டு ஜூன் மாத ஞானம் சஞ்சிகையிலும், 2008ம் ஆண்டில் பெப்ரவரி முதல் வாரத்தில் வெளிவந்த சுடர் ஒளி பத்திரிகையின் 'உணர்வுகள்' என்ற பகுதியிலும், 2008 ஜூலை 20ம் திகதி நவமணி பத்திரிகையில் வெளியான 'இலங்கை திசை பரத்தி' யிலும், 2008 ஆடி செங்கதிர் சஞ்சிகையிலும், 2009.11.15 மித்திரன் கலாவானம் பகுதியிலும் விக்கிப்பீடியா வலைத்தளத்திலும் இவரைப் பற்றிய அறிமுகக் குறிப்புகள் பிரசுரமாகியுள்ளன. மேலும் 2009.11.22 ல் மித்திரன் வாரமலரும், 2010.08.01 – 14 எங்கள் தேசம் பத்திரிகையும், 2011.03.13 ம் திகதி தினகரன் செந்தூரமும் இவரை நேர்கண்டுள்ளமை குறிப்பிடத்தக்கது.

தற்போது Poongavanam Literary Circle என்ற இலக்கிய அமைப்பின் தலைவராகவும் (poongavanam100@gmail.com, http://www.poongavanam100.blogspot.com/) பூங்காவனம் காலாண்டு சஞ்சிகையின் பிரதம ஆசிரியராகவும் சேவையாற்றி வரும் இவரது சமூக சேவை, கலை இலக்கியப் பணிகளைப் பாராட்டி அகில இன நல்லுறவு ஒன்றியம் 'சாமஸ்ரீ கலாபதி' என்ற பட்டத்தையும், அகில இலங்கை கவிஞர்களின் சம்மேளனம் ''காவிய பிரதீப'' என்ற பட்டத்தையும் வழங்கி கௌரவித்துள்ளது. அத்துடன் ஸ்ரீலங்கா முஸ்லிம் கலைஞர் முன்னணி, இலங்கை முற்போக்கு கலை இலக்கியப் பேரவை, முஸ்லிம் மீடியா போரம் ஆகிய அமைப்புக்களிலும் அங்கத்துவம் வகிக்கின்றார்.

காதல், பெண்ணியம், சமூக அவலம், சமூக அக்கரை, சீதனக்கொடுமை, போர்சூழல், மானிட நேயம், இயற்கை அனர்த்தங்கள், வறுமைப்புயல், ஆன்மீகம் என்பன இவரது பாடுபொருள்களாக காணப்படுகின்றன.

வீரகேசரி, தினகரன், தினக்குரல், மித்திரன், மெட்ரோ நியூஸ், சுடர்ஒளி, நவமணி, விடிவெள்ளி, எங்கள் தேசம், இருக்கிறம், நமது தூது, வேகம் போன்ற இலங்கையின் முன்னோடிப் பத்திரிகைகளிலும், சஞ்சிகைகளான மல்லிகை, ஞானம், ஓசை, மரங்கொத்தி, ஜீவநதி, செங்கதிர், படிகள், அல்லஜ்னா, அல் ஹஸனாத், அஸ்ஸகீனாஹ், தூது, நீங்களும் எழுதலாம், பேனா, தென்றல் மற்றும் இந்திய சஞ்சிகையான இனிய நந்தவனம் மற்றும் இணையத் தளங்களான கீற்று, வார்ப்பு, முத்துக்கமலம், பதிவுகள், தமிழ் ஆதர்ஸ், பெண்களின் குரலாக ஒலிக்கும் ஊடறு, தேனீ, திண்ணை போன்ற வலைப்பதிவுகளிலும் அவருடைய ஆக்கங்கள் பதிவாகியுள்ளன. அத்துடன் http://www.rimzapoems.blogspot.com/, http://www.rimzastory.blogspot.com/, http://www.rimzavimarsanam.blogspot.com/, http://www.rimzasongs.blogspot.com/, http://www.rimzachildarticle.blogspot.com/, http://www.rimzapublication.blogspot.com/, போன்ற வலைப்பூக்களிலும் அவரது படைப்புக்களைப் பார்வையிட முடியும்.

'எனது எழுத்துக்கள் அனுபவங்களின் வெளிப்பாடு|| எனக்கூறும் இக் கவிதாயினியின் முகவரி:-

Miss. M.F. Rimza

21 E, Sri Dharmapala Road,

Mount Lavinia, Sri Lanka.

Mobile - 077 5009222, 071 9200580

E-mail – poetrimza@yahoo.com

Blogs –

http://www.rimzapoems.blogspot.com/,

http://www.rimzastory.blogspot.com/,

http://www.rimzavimarsanam.blogspot.com/,

http://www.rimzasongs.blogspot.com/,

http://www.rimzachildarticle.blogspot.com/,